Axentes da Policía Local de Vigo, da Unidade Ambiental de Intervención Rural (UMIR), recuperaron un bufo –un autillo europeo (Otus scops)–, que accedeu ao interior do garaxe dun edificio.
Tal e como informou a Policía Local, os axentes desprazáronse ata un inmoble da rúa Manuel de Castro, tras recibir un aviso de que aparecera unha ave, concretamente un bufo, no interior do garaxe.
Tras acceder ao interior, os efectivos capturaron ao animal, un autillo europeo, que é a rapaz nocturna máis pequena da península Ibérica, duns 20 centímetros. Tras comprobar que o bufo estaba en perfecto estado de saúde, procedeuse á súa devolución ao seu hábitat natural.
