A escola de baile Media Punta de Vigo deixou este luns ao público e ao xurado de Got Talent coa boca aberta cunha reinterpretación da Muiñeira de Chantada en forma de coreografía.
Paz Padilla recoñeceu que a súa actuación conseguiu transportala ata Galicia: "Vin os acantilados e escoitei ata as gaivotas", apuntou a presentadora.
Tamén Risto Mejide dedicou unhas bonitas palabras ao grupo: "Coa vosa actuación, cargástesvos seguramente moitos estereotipos. Trouxestes moita alegría, moitísima luz e moitísima Galicia. Con todo, o publicista deulles un non: "A vosa mensaxe xa chegou ata onde tiña que chegar", declarou.
#GotTalent9 Preciosas palabras de @ristomejide a los artífices de la actuación más gallega de @GotTalentES ❤️ https://t.co/fenrUL3cxH pic.twitter.com/CzPOwppV9R
— Got Talent España (@GotTalentES) 25 de marzo de 2019
A actuación logrou tres síes do xurado, polo que Media Punta continúan no concurso.
