Crónica

Buscan testemuñas do mortal empuxón dunha pasaxeira dun autobús a un ancián

A Policía de Las Vegas (Nevada, EE UU) busca ás persoas que foron testemuñas nun autobús público de como unha muller empuxou un septuaxenario, o cal morreu semanas despois como consecuencia da caída. Nun comunicado colgado nas redes sociais, a Policía pide a quen teña información sobre o suceso ocorrido o 21 de marzo pasado que se comuniquen coa División de Homicidios ou cunha liña especial para chamadas anónimas. No impactante vídeo gravado polas cámaras de seguridade vese á muller, identificada como Cadesha Bishop, de 25 anos, e detida e acusada tras a morte do home, ao que medios de Las Vegas identifican como Serge Fournier, de 74 anos, discutindo con outros pasaxeiros do autobús pouco antes de que o vehículo se detivese nunha parada. O home, que levaba un carro de compras plegable e que foi un dos que discutiu coa muller, dispoñíase a baixar cando recibiu un forte empuxón dela e caeu de fronte contra a beirarrúa.