O presidente da Federación Española de Municipios e Provincias (FEMP), Abel Caballero, considerou este mércores que este é un "mal momento" para o debate da prisión permanente revisable dado os "gravísimos feitos" na proximidade e a "pesadumbre dun país", en referencia ao asasinato de Gabriel Cruz.
Nun almorzo informativo, organizado por Nova Economía Fórum, o tamén alcalde de Vigo apostou "por deixar pasar un pouquiño de tempo e facer o debate noutro momento" porque "hai moitos sentimentos que compartimos todos, os que din unha cousa á prisión permanente e os que din outra".
"Todos compartimos eses sentimentos" dixo Caballero, calquera que sexa a posición política ante a prisión permanente.
Caballero engadiu que "algunhas decisións e algúns debates teñen que ser no momento que corresponda e este é un mal momento".
