Crónica

Caos en Bolivia: saquean a casa de Evo Morales

Saqueos, incendios, ataques a casas de opositores e oficialistas, incluída unha do propio Evo Morales na cidade de Cochabamba, deixaron unha noite de auténtico pavor para moitos bolivianos que clamaban axuda á Policía e as Forzas Armadas, as únicas autoridades que parecen quedar no país tras a fervenza de dimisións, incluída a do propio presidente indíxena.

Morales instou este luns aos opositores Carlos Mesa, o seu adversario nas presidenciais, e ao líder cívico Luís Fernando Camacho, "que asuman a súa responsabilidade de pacificar ao país e garantan a estabilidade política".  Na súa opinión, "pasarán á historia como racistas e golpistas".