As choivas salpican a metade norte de Galicia

A xornada do martes será de transición na que o aire frío irase desprazando progresivamente cara ao Leste da península Ibérica e será substituído polas altas presións.

Con esta situación, espérase unha xornada de ceos parcialmente nubrados, con choivas débiles e intermitentes durante a mañá na metade norte; pola tarde as choivas irán desaparecendo, abríndose grandes claros no sur.

As temperaturas descenderán lixeiramente e os ventos soprarán frouxos de compoñente norte, con intervalos moderados no litoral.