Imprimir

Condenado por pegarlle á súa muller ao non deixarlle facer un trío co gigoló que lle regalou

Redacción | 14 de agosto de 2019

El hotel de Cangas en el que se produjeron los hechos. GOOGLE MAPS
El hotel de Cangas en el que se produjeron los hechos. GOOGLE MAPS
Os feitos ocorreron na noite de Reis de 2017 nun hotel de Cangas

A Audiencia Provincial de Pontevedra confirmou a condena de seis meses de cárcere para un veciño de Cangas que lle deu un puñada á súa muller por impedirlle sumarse e facer un trío co gigoló que lle regalou.

Os feitos ocorreron na noite de Reis de 2017. Este cangués, orixinario de Perú, contratou a un gigoló vigués para satisfacer á súa entón esposa, duns 50 anos de idade, que naqueles momentos xa estaba en trámites de separación.

A muller, o seu marido e o gigoló acabaron facendo unha festa nun hotel de Cangas que finalizou a golpes e coa intervención da Garda Civil despois de que o porteiro de noite do establecemento alertase do ruído que proviña da habitación. E é que, tras consumir bebidas alcohólicas, o home tratou de unirse á relación e manter un trío. Ante a negativa da súa muller, foi cando o condenado lle propinou unha puñada e se iniciou unha disputa.

No xuízo, celebrado en xuño de 2018, xulgouse ao cangués por un delito de lesións. A muller tamén denunciara ao seu marido e ao gigoló por abuso sexual, aínda que esta causa quedara arquivada ao considerarse que as relacións foron consentidas. 

Ademais de seis meses de cárcere, a sentenza impide ao condenado achegarse a menos de 200 metros da muller durante 18 meses.

Puede ver este artículo en la siguitente dirección /articulo/galicia/condenado-pegarlle-sua-muller-non-deixarlle-facer-trio-co-gigolo-lle-regalou/20190814175000063457.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)