Os conselleiros toman posesión

Feijóo deu a coñecer este domingo os nomes dos compoñentes do seu noveno gabinete desde que accedeu ao cargo en 2009
Núñez Feijóo preside la toma de posesión del nuevo gobierno. LAVANDEIRA JR (EFE)
photo_camera Núñez Feijóo preside a toma de posesión do novo goberno. LAVANDEIRA JR (EFE)

Nove conselleiros xuraron e outros dous, Valeriano Martínez e Julio García Comesaña, prometeron o seu cargo no acto de toma de posesión como membros do Goberno que preside Alberto Núñez Feijóo para a XI lexislatura. 

Este solemnte acto celebrouse este luns nos exteriores das dependencias da Administración galega en San Caetano, en Santiago, despois de que este domingo o presidente da Xunta dese a coñecer o que é o seu noveno Gabinete desde que accedeu ao cargo en 2009. 

Como principais novidades, está a substitución dos titulares de Educación, Carmen Pomar, e o de Sanidade, Jesús Vázquez Almuiña. Ademais, o departamento educativo vólvese xuntar con Cultura, créase unha Consellería de Emprego e Igualdade e haberá, por primeira vez desde o fraguismo, dúas vicepresidencias. 

Desde San Caetano, os once conselleiros prestaron a súa declaración ante o Estatuto de Autonomía e a Constitución, que acatarán e farán preservar, así como a Biblia no caso do xuramento. 

Neste evento, que estivo marcado polas máscaras e as distancias sociais para evitar contaxios, interviñeron os xa exconselleiros de Educación, Carmen Pomar, e o de Sanidade, Jesús Vázquez Almuiña, quen realizaron unha intervención de "agradecemento" tanto ao presidente da Xunta como aos seus respectivos equipos. 

Tamén tomou a palabra do recentemente designado vicepresidente primeiro do Goberno galego –antes era o único, agora acompañarao Francisco Conde como vicepresidente segundo–. Así, dirixiuse a todos os seus compañeiros para advertirlles: "Aquí vénse a sufrir". 

A este acto institucional, previo ao primeiro Consello deste novo Executivo, acudiron o presidente do Parlamento, Miguel Santalices; os reitores das universidades da Coruña, Julio Abalde, e Santiago, Antonio López; o presidente da Deputación de Ourense, Manuel Baltar; o portavoz do PP na Cámara galega, Pedro Puy; así como familiares e membros dos equipos dos conselleiros, entre outros. 

Comentarios