Imprimir

Dano a un dereito básico

Tito Diéguez |

Galiciae | 29 de diciembre de 2018

DEVÓLVENLLES MÓBILES e ordenadores, pero o dano está feito. Os xornalistas de Diario de Mallorca e Europa Press aos que lles incautaron material de traballo sufriron un ataque desaforado contra o segredo profesional e polo tanto agrede o dereito á información, elemental nunha democracia. Pero un xuíz decide saltarse esta norma para coñecer a fonte que facilitou un informe sobre presuntas irregularidades contables dun empresario da noite balear que está sendo investigado, como se iso fose transcendente para a causa.

Agora o maxistrado terá que dar contas diante da Xustiza tras a querela presentada polos xornalistas, pero o corporativismo non aventura castigo, igual que xa pasara cando se tomaron decisións sobre a vidente que botaba as cartas en Lugo e o xuíz somnolento da Gürtel, sobre o que consideraron que as cabezadas que daba e o longo tempo que pasaba durmindo no xuízo era debido a que estaba "ensimesmado nas súas reflexións".

Puede ver este artículo en la siguitente dirección /opinion/tito-dieguez/dano-a-un-dereito-basico/20181229142816049551.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)