Imprimir

Denuncia que sufriu un accidente e acaba multado por ir borracho en patinete

Redacción | 10 de octubre de 2019

Patinete eléctrico. ARCHIVO
Patinete eléctrico. ARCHIVO
Os feitos ocorreron na rúa Blanco Porto sobre as 7.45 horas

Un veciño de Pontevedra acabou multado por conducir bébedo e pola beirarrúa un patinete eléctrico. O curioso do caso é que foi el mesmo o que alertou á Policía Local para denunciar que un coche que saía dun garaxe lle dera un golpe.

O suceso produciuse na rúa Blanco Porto sobre as 7.45 horas. Cando a patrulla da Policía Local desprazouse ata o lugar, o home explicoulle o sucedido. Unha vez trasladado a dependencias policiais para efectuar as dilixencias pertinentes, os axentes observaron que podería estar baixo os efectos do alcol, polo que foi sometido á proba e deu positivo cunha taxa de 0,53 mg/l.

Por iso, o home, de 29 anos, foi denunciado por conducir un vehículo cunha taxa superior á permitida, o que lle podería carrexar unha sanción de 500 euros. E ademais, tamén é denunciado por circular pola beirarrúa cun patinete eléctrico, o que lle podería valer unha multa doutros 200 euros.

Este é o segundo suceso cun patinete eléctrico rexistrado nos últimos días en Pontevedra, logo da a irrupción dunha moza na AP-9 un destes vehículos.

Puede ver este artículo en la siguitente dirección /articulo/galicia/denuncia-sufriu-accidente-acaba-multado-ir-borracho-patinete-electrico/20191010133413066464.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)