Imprimir

Desaloxan un tanatorio por unha muller que deixou a corentena para ir a un velorio

Europa Press | 26 de marzo de 2020

Un tanatorio de Camariñas tivo que ser desaloxado este mércores despois de que unha muller, que deu positivo en coronavirus, se saltase a corentena para acudir a un velorio no inmoble.

A Garda Civil recibiu o aviso sobre as 18.30 horas. Unha veciña do municipio de Santa Comba duns 55 anos, que estaba confinada no seu domicilio tras dar positivo polo coronavirus, acudiu ao tanatorio de Ponte do Porto. Trasladouse supostamente para velar a súa nai falecida.

Unha patrulla da Garda Civil desprazouse ao lugar pouco despois de recibir o aviso, aínda que á súa chegada a muller xa regresara á súa casa. A pesar diso, os axentes desaloxaron o tanatorio, no que se atopaban doce persoas, para evitar posibles contaxios.

Tamén se lembrou aos presentes a necesidade de iniciar unha corentena por estar en contacto cunha persoa infectada polo coronavirus.

O tanatorio realizará tarefas de limpeza e desinfección do inmoble, segundo detallaron fontes do instituto armado, que lembraron a necesidade de cumprir coas condicións da corentena, sobre todo neste tipo de casos, para evitar a propagación do virus.

Puede ver este artículo en la siguitente dirección /articulo/galicia/desaloxan-tanatorio-camarinas-muller-deixou-corentena-ir-velorio/20200326165854075635.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)