O paro baixa en Galicia en 1.679 persoas en febreiro, un 0,88%

No conxunto de España, o número de desempregados diminuíu en 6.280 persoas respecto ao mes anterior

Varias persoas entrando nunha oficina de emprego. DAVID FREIRE
photo_camera Varias persoas entrando nunha oficina de emprego. DAVID FREIRE

O paro rexistrado baixou en Galicia o mes de febreiro en 1.679 persoas, un 0,88%, respecto ao mes anterior, o que deixa a cifra de desempregados na comunidade en 188.207 persoas.

Segundo os datos difundidos este venres polo Ministerio de Emprego, no último ano -de febreiro a febreiro- o paro baixou en Galicia en 23.717 persoas, un 11,19 por cento.

No conxunto de España, o número de parados rexistrados nas oficinas do Servizo Público de Emprego Estatal ( SEPE) diminuíu en febreiro en 6.280 persoas respecto ao mes anterior, o que situou a cifra total de desempregados en 3.470.248, a máis baixa contabilizada desde xaneiro de 2009.

De acordo cos datos publicados este venres polo Ministerio de Emprego e Seguridade Social, no último ano o paro recortouse en 280.628 persoas, cun ritmo de redución interanual do 7,48 por cento.

Comentarios