O hospital Ramón e Cajal de Madrid diagnosticou nun home novo que non viaxara a zonas de risco o primeiro caso de dengue por transmisión sexual rexistrado en Europa, segundo adiantou o diario El País e confirmado a Efe a Dirección Xeral de Saúde Pública da Comunidade de Madrid.
A finais de setembro notificáronse desde o Ramón e Cajal á Rede de Vixilancia Epidemiolóxica da Dirección Xeral de Saúde Pública dous casos de dengue en dous homes residentes no municipio de Madrid.
Ante a notificación dos casos, a Dirección Xeral de Saúde Pública iniciou unha investigación epidemiolóxica cuxo resultado determinou que se trataba dun caso importado (é dicir, que contraeu a infección noutro país) e outro autóctono.
O primeiro caso notificado foi o dun home que non saíra de España nos 45 días previos ao comezo dos síntomas, tratándose xa que logo dun caso autóctono.
A súa parella presentara un cadro moi similar dez días antes e viaxara a Cuba e República Dominicana, durante o período de incubación, polo que se considerou un caso importado.
Ambos os casos foron confirmados polo laboratorio do Centro Nacional de Microbiología do Instituto de Saúde Carlos III.
Con posterioridade, as investigacións entomológicas non detectaron presenza do mosquito vector da enfermidade nin na residencia nin en ningún dos lugares da Comunidade de Madrid visitados polos dous homes.
Os dous homes mantiveron relacións sexuais desprotexidas a primeiros de setembro, polo que se estudaron mostras de seme que resultaron positivas.
A secuenciación xenética confirmou que a cepa do virus atopada en todas as mostras é idéntica e coincide coa que está actualmente circulando en Cuba, explica a Consellería de Sanidade nun comunicado difundido esta tarde.
En ausencia de datos que apoien un posible trasmisión vectorial, se considera a vía sexual como a máis probable do contaxio, engade.
A importancia deste caso radica en que é o primeiro descrito de probable trasmisión sexual de virus do dengue nunha zona sen presenza de mosquitos vectores, e o primeiro descrito en homes que teñen sexo con homes (HSH).
"En calquera caso, setrataría dunha vía pouco frecuente e de baixa relevancia epidemiolóxica, polo que o risco para a poboación derivado deste achado considérase moi baixo, engade Sanidade.
É o primeiro caso de transmisión sexual autóctono en España e en Europa. O dengue é unha enfermidade causada por un virus que habitualmente se transmite a través da picadura dun mosquito e que é endémica en varios países de América, o sueste asiático e África.
O cadro clínico caracterízase por un malestar xeneralizado, febre alta, dor de cabeza e unha erupción na cara que se estende polo pescozo, o tórax e as extremidades.
