Detido por acoitelar a súa ex en Lalín en presenza do fillo de ambos

Os feitos ocorreron na parroquia de Goiás

El cuartel de la Guardia Civil de Lalín
photo_camera El cuartel de la Guardia Civil de Lalín

A Garda Civil investiga a agresión dun veciño a súa exmuller en Lalín no que podería ser un novo caso de violencia machista.

Segundo informa a TVG, o home, que foi detido, asestoulle varias coiteladas a súa ex ás portas da súa casa, na parroquia de Goiás. 

Varias testemuñas apuntaron que a muller chegaba en coche a recoller ao fillo de dez anos que tiñan en común, que presenciou o sucedido e axudou á súa nai a repeler o ataque. 

O home tratou de acoitelar a súa ex a través do portelo do vehículo. A muller, que puido fuxir, foi atendida no centro de saúde de Lalín, mentres que o arrestado está á espera de pasar a disposición xudicial.