Detido en Bilbao tras agredir á súa parella e atrincheirarse cun bebé

Finalmente os ertzainas accederon ao piso e rescataron ao bebé ileso
O suceso ocorreu nunha vivenda da rúa Ugalde de Bilbao. GOOGLE MAPS
photo_camera O suceso ocorreu nunha vivenda da rúa Ugalde de Bilbao. GOOGLE MAPS
Un home foi detido este martes pola noite pola Ertzaintza tras agredir a súa parella e atrincheirarse nunha casa co bebé de ambos, dun mes, que foi liberado posteriormente sen ningún dano, informou a Ertzaintza.

O suceso ocorreu ás oito menos vinte da tarde, na rúa Ugalde de Bilbao, no barrio de Ametzola. A Ertzaintza recibiu o aviso dunha agresión dun home á súa parella, que tivo que ser evacuada a un centro médico.

Tras agredila, o home levou ao bebé, dun mes e encerrouse nun piso.

Unha patrulla de Prevención e Resposta Inmediata trasladouse ao lugar para negociar co agresor, que ameazaba con quitarse a vida e facer dano ao neno. 

Finalmente os ertzainas accederon ao piso e rescataron ao bebé ileso.

O home, de nacionalidade polaca, foi detido por un presunto delito de violencia de xénero.