Detido na Coruña por ameazar a outro mozo cun coitelo de carniceiro

Tras o contratempo, fuxiu nun autobús no que molestou a unha moza "tocándolle unha perna e facéndolle comentarios obscenos", detalla a Policía

Vehículo de Policía.POLICÍA
photo_camera Vehículo da Policía.

A Policía Local da Coruña detivo un mozo de 25 anos por ameazar presuntamente a outro cun coitelo de carniceiro de oito centímetros e un gancho utilizado a modo de puño "americano", informan a Efe fontes da Policía Local.

O suceso ocorreu este martes sobre as 9.30 horas na rúa Orzán.

Unha moza de 23 anos estaba a falar nunha cafetería cun mozo -o posteriormente detido-, cando chegou o seu noivo co que tivera un desencontro a noite anterior.

Nese momento produciuse unha pelexa entre ambos os dous homes.

O presunto agresor, que non causou lesións ao outro porque mediaron a muller e os seus amigos na disputa, saíu correndo do lugar e subiuse nun autobús da liña 7.

Durante o traxecto, dous ocupantes do autobús denunciaron que o detido molestou a unha moza "tocándolle unha perna e facéndolle comentarios obscenos", detalla a Policía.

Máis tarde, tras recibir o aviso da liorta, axentes da Policía Local identificaron os implicados e detiveron o mozo, que quedou a disposición xudicial, xunto ás armas brancas intervidas.