Imprimir

Detido un veciño de Oímbra por perseguir a tiros á nova parella da súa ex

Redacción | 16 de Abril de 2018

Así quedou o coche da vítima tras recibir varios disparos de escopeta. TVG
Así quedou o coche da vítima tras recibir varios disparos de escopeta. TVG

Seguiu a vítima ata A Gudiña e alí golpeouno cun obxecto contundente ►Está acusado de intento de homicidio e lesións

Un veciño de Oímbra pasou este luns pola mañá a disposición xudicial tras perseguir escopeta en man á nova parella da súa ex. O detido, de 46 anos, está acusado de intento de homicidio e lesións, xa que disparou en dúas ocasións ao coche do home que supostamente mantén unha relación coa súa muller, da que se está separando.

O agora arrestado seguiu a tiros á vítima ata a súa casa da Gudiña e alí golpeouno cun obxecto contundente, causándolle un politraumatismo. Segundo informa a TVG, a vítima foi trasladada nunha ambulancia e o agresor entregouse á Garda Civil.

O caso está baixo segredo de sumario.

Puede ver este artículo en la siguitente dirección /articulo/galicia/detido-vecino-oimbra-perseguir-tiros-nova-parella-da-sua-ex/20180416183028029911.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)