Imprimir

Disparan na perna a un home que atacou cun coitelo a axentes policiais en Redondela 

Europa Press | 24 de marzo de 2020

O home atopabase espido na rúa cando os axentes lle pediron que buscase a súa documentación

Axentes da Policía Nacional dispararon este martes nunha perna a un veciño de Redondela para lograr reducilo despois de que este atacase a varios axentes cun coitelo, segundo confirmaron a Europa Press fontes policiais.

Os feitos ocorreron pasadas as 17,30 horas, cando o 112 recibiu o aviso de que un veciño da Telleira atopábase, en plena rúa e espido, "montando alboroto".

Cando os axentes chegaron, atopáronse ao home na vía pública e instáronlle a buscar a súa documentación. Este veciño dirixiuse ao seu domicilio, nunha vivenda unifamiliar de varios pisos e, após subir unha escaleira, entrou por unha ventá.

Pouco despois, saíu da casa pero, en lugar de levar a súa documentación, ía armado cun coitelo e dirixiuse de forma ameazante aos axentes, que tentaron acougalo sen éxito. O home aproximouse aos funcionarios, que se atopaban nunha especie de terraza, e aos que foi arrinconando.

Dado que fixo caso omiso ás súas indicacións, os policías efectuaron un disparo, que impactou nunha das súas pernas (preto da ingua), para conseguir inmobilizalo, antes de avisar a emerxencias médicas.

Até o lugar desprazáronse varias ambulancias e un helicóptero (cuxa intervención non foi necesaria). Finalmente, o home ferido foi trasladado nunha ambulancia de Soporte Vital Avanzado ao Hospital Álvaro Cunqueiro de Vigo.

Fontes municipais confirmaron a Europa Press que o ferido é un veciño duns "47 ó 48 anos" e que ten antecedentes por problemas psiquiátricos.

Por outra banda, a Policía Local de Redondela tivo que intervir na tarde deste martes nunha vivenda da zona de Quintela, onde un veciño provocou un incendio por estar a queimar mobles vellos nun alpendre. Nese caso, non se produciron danos persoais. 

Puede ver este artículo en la siguitente dirección /articulo/sucesos/disparan-perna-home-atacou-coitelo-axentes-policiais-redondela/20200324215152075552.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)