Un equipo de arqueólogos estuda en Padrón o lugar do enterro do apóstolo Santiago

A prospección pretende localizar unha pena que estaba visible no século XV, e que era visitada e venerada polos peregrinos nesa época

Un equipo de arqueólogos comezará este martes un exame dun lugar do municipio coruñés de Padrón no que, segundo a lenda, foi depositado do corpo do apóstolo Santiago, informaron os promotores do proxecto.

O sitio coñecido como A Barca será analizado con técnicas geofísicas do sistema xeoradar para "localizar a situación dunha roca de grandes dimensións na que sería depositado o corpo do apóstolo Santiago, para a súa posterior escavación, recuperación e posta en valor da peza", indica un comunicado do Concello de Padrón e a asociación cultural Vila Petroni.

En principio a prospección durará un día e nun par de semanas poderían obter os primeiros resultados de se hai indicios sobre a roca da suposta aparición do apóstolo Santiago Zebedeo, decapitado en Xerusalén, cuxa lenda do traslado a Galicia foi forxada durante séculos pola Igrexa.

A prospección arqueolóxica pretende localizar "unha pena que estaba visible no século XV, e que era visitada e venerada polos peregrinos nesa época, asociada pola tradición ao mito da Traslatio", sinala a nota.

Agrega que podería estar enterrada, "xa que no século XVI o Concello aparentemente botou a gran roca ao río, para evitar que os peregrinos arrincasen pedazos da mesma" e na década de 1960 a zona foi enchida e nivelada con áridos con motivo da canalización do río Sar.

A zona de prospección, de propiedade municipal, corresponde agora a unha parte do meandro seco que está agora asfaltada e utilizada como aparcadoiro público de vehículos. 

Comentarios