Os Bombeiros do Deza excarceraron ao ocupante dun turismo que se saíu da vía e envorcou cando circulaba pola estrada que une Lalín con Brántega.
A posición na que quedou o coche tras o impacto, virado no lado do condutor, impedía que os servizos de urxencias puidesen acceder a el. Así, os efectivos do parque do Deza tiveron que empregar o equipo de excarceración para sacar ao ferido do vehículo e facilitar a súa atención por parte dos profesionais sanitarios.
O accidente tivo lugar ás 20.30 horas deste sábado e, ademais dos bombeiros, participaron os membros do GES de Lalín e as forzas de seguridade.
