Imprimir

Extinguido o incendio na sede do Celta

DP | 14 de septiembre de 2020

A sede do Celta, durante o incendio. TVG
A sede do Celta, durante o incendio. TVG
Os traballadores do club que se atopaban no inmoble foron evacuados

O incendio rexistrado na tarde deste luns na cúpula da sede do Real Club Celta de Vigo, situada á altura do número 44 de cálea Príncipe da cidade olívica, foi extinguido.

En concreto, o 112 Galicia foi alertado da presenza de lume e fume no edificio sobre as 19.30 deste luns por varios particulares, segundo detallou a Europa Press.

Posteriormente, o servizo de urxencias deu aviso do incendio aos bombeiros, a Policía Nacional, a Policía Local e o corpo de Protección Civil da cidade. Ademais, de modo preventivo, informou os servizos de Urxencias do 061.

Así mesmo, fontes da Policía Nacional indicaron que o suceso non deixou feridos, aínda que o edificio da sede do Celta e o anexo foron desaloxados. Así, as mesmas fontes precisaron que as chamas só afectaron á terraza situada na cúpula do primeiro inmoble e que os bombeiros se desprazaron ao lugar para sufocar o lume.

O alcalde de Vigo, Abel Caballero, que tamén se trasladou ata ese punto, explicou que se enviaron cinco camións do servizo antiincendios á zona tras terse coñecemento do incendio, ademais de efectivos da Policía Nacional e a Policía Local. 

O CLUB DESCOÑECE AS CAUSAS DAS CHAMAS

O club celeste informou a través dun comunicado de prensa, de que se descoñece polo momento" a orixe do incendio.

A entidade que preside Carlos Mouriño subliñou que o lume se orixinou sobre as 19.25 e todo o persoal que se atopaba no inmoble "foi evacuado de inmediato de xeito seguro e seguindo todos os protocolos de seguridade".

O Celta expresou o seu "máis sincero agradecemento" aos corpos de bombeiros e policía, administración local, veciños e a todas as entidades e persoas que mostraron "interese" e ofreceron "axuda" a raíz do incendio, concentrado "exclusivamente" na terraza da última planta.

Puede ver este artículo en la siguitente dirección /articulo/deporte-general/extinguido-incendio-sede-do-celta/20200914213609084394.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)