Imprimir

Falece unha menor rescatada dun encoro de Castelló con síntomas de afogamento

Efe | 10 de agosto de 2020

Traslado da menor desde un pantano en Castelló. @SIAB_Castellon
Traslado da menor desde un pantano en Castelló. @SIAB_Castellon

Unha menor de 11 anos que foi rescatada este domingo con síntomas de afogamento no encoro de Sitjar (Castelló) faleceu logo de ser trasladada ao Hospital Xeral Universitario de Castelló, onde non puideron reanimala. 

Segundo informaron fontes do departamento autonómico de Sanidade, á menor practicáronselle manobras de reanimación avanzada no hospital pero non respondeu. O equipo médico do Servizo de Axuda Médica Urxente (Samu) que a trasladou ao centro estivo a realizar as manobras durante todo o traxecto, desde o encoro situado en Ribesalbes ata o centro sanitario. 

A menor foi atopada por un bañista despois de que se notificase a súa desaparición e tras iniciarse unha procura na que participaron medios do Consorcio Provincial de Bombeiros de Castelló, a Policía Local de Onda e a Garda Civil.

Puede ver este artículo en la siguitente dirección /articulo/Cronica/falece-menor-rescatada-dun-encoro-castello-sintomas-afogamento/20200810111436082961.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)