A morte de oito persoas diagnosticados con coronavirus nas últimas horas, cinco delas no hospital de Ourense e dous en residencias tamén desa provincia, elevaron a 868 as vítimas da pandemia en Galicia.
Segundo comunicaron as autoridades sanitarias, seis dos falecidos atopábanse en centros hospitalarios, mentres que os dous restantes estaban en residencias –un home de 87 anos na residencia Os Gozos de Pereiro de Aguiar (Ourense) e outro home de 75 anos na residencia DomusVi de Oleiros–.
Ademais, outros dous usuarios de residencias que estaban hospitalizados perderon a vida nas últimas horas. Trátase de dous homes, ambos de 86 anos e que se atopaban ingresados no Chuo, que procedían das residencias Nosa Señora do Viso de Lobeira e Os Gozos de Pereiro de Aguiar.
De feito, o hospital ourensán rexistrou as mortes doutros tres homes nas últimas horas de 67, 94 e 78 anos de idade, respectivamente. Ademais, unha muller de 85 pereceu no Chup de Pontevedra.
Así as cousas, a cifra total de falecidos desde o comezo da nova normalidade ascende a 249 en Galicia.
A primeira morte deste período foi a dunha muller o 7 de agosto. Antes diso, a Comunidade galega había encadeado case dous meses –desde o 10 de xuño– sen decesos relacionados co coronavirus.
