Unha muller resultou ferida ao ser atropelada polo seu propio vehículo en Porto do Son, segundo informa o CIAE 112 Galicia.
O suceso tivo lugar ao redor das 16.00 horas deste mércores na estrada AC-558 á altura de Noal.
Ata o lugar desprazáronse efectivos de Urxencias Sanitarias 061 tras recibir o aviso dun familiar da ferida, que foi trasladada a un centro hospitalario para ser atendida.