Un operario resultou este luns ferido de consideración despois de caer dunha escaleira no local onde realizaba o seu traballo, situado no Polígono Industrial de Cerceda (A Coruña).
Foi un particular o que, ao fío das 12:00 do mediodía, alertou o 112 Galicia dun accidente laboral no lugar. Entón os xestores de emerxencias avisaron deseguido ás 061-Urxencias Sanitarias.
Os profesionais sanitarios comunicaron ao 112 que debido á gravidade das lesións ocasionadas, o helicóptero medicalizado con base en Santiago debía desprazarse ao momento, tomando terra no mesmo lugar onde ocorreron os feitos.
Os axentes da Garda Civil e da Policía Local tamén foron informados o suceso polo 112 Galicia.
