Imprimir

O Goberno di que Parter cumprirá "todo" o recollido no acordo de venda de Alcoa

EFE | 11 de julio de 2019

Protesta dos traballadores de Alcoa en Madrid. VÍCTOR LERENA (EFE)
Protesta dos traballadores de Alcoa en Madrid. VÍCTOR LERENA (EFE)

Se a venda non puidese completarse o 31 de xullo, prevese que a aplicación do despedimento colectivo e das medidas do plan social comecen a partir o 1 de agosto

O delegado do Goberno en Galicia, Javier Losada, asegurou este xoves que o fondo de investimento suízo Parter Capital "porá todo o que di no acordo" de venda das factorías da Coruña e Avilés por parte de Alcoa, condicionado a que logre financiamento adicional para operar as plantas.

"O 31 deste mes Parter porá todo o que di no acordo e conseguiriamos o que foi o noso obxectivo, o emprego, a actividade industrial e o mantemento da seguridade xurídica para que isto se poida levar ao cabo", explicou en rolda de prensa tras presidir unha reunión sobre seguridade en centros escolares.

Alcoa anunciou o pasado 5 de xullo a subscrición con Parter Capital dun contrato para venderlle as súas plantas de aluminio en Avilés e A Coruña, suxeito á condición suspensiva de que o comprador consiga financiamento adicional para operar as plantas.

O fabricante estadounidense de aluminio advertiu de que a adquisición final está condicionada a que Parter obteña o financiamento para apoiar as operacións futuras das plantas.

Se a venda non puidese completarse o 31 de xullo de 2019 (tras terse estendido o prazo orixinal do 30 de xuño de 2019), prevese que a aplicación do despedimento colectivo e das medidas do plan social comecen a partir o 1 de agosto de 2019.

Puede ver este artículo en la siguitente dirección /articulo/economia/goberno-asegura-parter-cumprira-todo-recollido-acordo-venda-alcoa/20190711131002061730.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)