O Consello de Ministros disponse a solicitar ao Congreso dos Deputados unha quinta prórroga do estado de alarma ata as 00.00 horas do 27 de xuño, ampliación que se espera que sexa a última, confirmaron a Europa Press fontes do Executivo e parlamentarias.
A data figura xa no decreto que se elevou á reunión do Consello de Ministros deste martes e a cuxo borrador tivo acceso a Cadena Ser. Unha das principais novidades que incorpora o texto, máis aló da duración da prórroga, que por primeira vez é de pouco máis dun mes, a diferenza dos 15 días habituais, é que permitirá que o estado de alarma poida levantarse antes naquelas provincias, illas ou unidades territoriais que superen todas as fases da desescalada.
Unha opción que xa avanzou a vicepresidenta primeira do Executivo, Carmen Calvo, na súa comparecencia este luns ante o Congreso dos Deputados, e que se materializa no decreto.
Segundo informa a Cadena Ser, o apartado sexto do decreto prevé que a superación de todas as fases do plan de transición fará que "queden sen efecto as medidas derivadas da declaración do estado de alarma nas correspondentes provincias, illas ou unidades territoriais", ao obxecto de que as restricións impostas polo estado de alarma só permanezan alí onde sexan "indispensables". Deste xeito, este punto sexto desenvolve o modelo de alarma "gradual" que vén defendendo o Goberno.
As actividades educativas manteranse a través das modalidades a distancia e en liña, sempre que resulte posible"
COGOBERNANZA. A emisora relata que o decreto -sempre que así o autorice o Congreso dos Deputados- permitirá ao Goberno acordar con cada Comunidade Autónoma a modificación, ampliación ou restrición das unidades de actuación e as limitacións respecto da liberdade de circulación das persoas "co fin de adaptalas mellor á evolución da urxencia sanitaria en cada comunidade autónoma", plasmando así a vontade do Executivo de actuar baixo o sistema decogobernanza coas Comunidades Autónomas.
O texto incorpora ademais un apartado dedicado á educación, no que establece que "as administracións educativas competentes poderán dispor a flexibilización das medidas de contención e a continuación das actividades presenciais no ámbito educativo non universitario e da formación, sempre que se acorde a progresión a fase II ou posterior nun determinado ámbito territorial con arranxo ás previsións deste acordo.
As actividades educativas manteranse a través das modalidades a distancia e en liña, sempre que resulte posible".
Tal e como anunciou o presidente do Goberno, Pedro Sánchez, na súa comparecencia do sábado para anunciar esta nova prórroga, nesta última prórroga a única autoridade competente delegada será o ministro de Sanidade, Salvador Illa, quen actuará en coordinación coas Comunidades Autónomas.
