Imprimir

Un incendio nun garaxe obriga a desaloxar un edificio en Vigo e arrasa varios coches

Redacción | 23 de mayo de 2020

Intervención de los servicios de emergencias en Vigo. TVG
Intervención de los servicios de emergencias en Vigo. TVG

Un incendio nun garaxe de Vigo, na rúa Sanxurxo Badía —en Teis—, mobilizou na madrugada do venres ao sábado os servizos de urxencias e obrigou a desaloxar un edificio de dez plantas. Atendendo á información divulgada polo 112, non se rexistraron danos persoais.

Varios vehículos arderon por completo no garaxe —cinco coches e unha furgoneta—, e o lume afectou tamén á estrutura do inmoble.

Recibida a alerta, a central do 112 avisou os Bombeiros, Garda Civil e Protección Civil. Tras extinguir o incendio, pouco despois das cinco e media da madrugada, os Bombeiros comunicaron ao 112 que parte dos veciños puideron volver ás súas casas con normalidade.

Puede ver este artículo en la siguitente dirección /articulo/galicia/incendio-nun-garaxe-obriga-desaloxar-edificio-vigo-arrasa-varios-coches/20200523102746078536.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)