Imprimir

José García Liñares presenta a súa renuncia como alcalde de Cerceda

Europa Press | 23 de enero de 2020

O alcalde de Cerceda, José García Liñares. EP
O alcalde de Cerceda, José García Liñares. EP
O primeiro tenente de alcalde, Juan Manuel Rodríguez García, exercerá de rexedor provisional

O ata agora alcalde de Cerceda, José García Liñares, presentou este xoves a súa renuncia como rexedor, segundo informou a televisión municipal e segundo avanzara, a través do mesmo medio, o día anterior.

O primeiro tenente de alcalde, o socialista Juan Manuel Rodríguez García, será o rexedor provisional ata a celebración dun pleno no que a corporación elixirá ao novo alcalde, un cargo para o que os socialistas, con maioría na corporación, optaron xa por Rodríguez García. Tamén deberá tomar posesión do seu cargo o novo edil socialista que entrará na corporación, Ángel Gestal. 

García Liñares, que gobernou o municipio durante case 25 anos, xa anunciou o pasado 14 de xaneiro a súa dimisión tras confirmarse a súa inhabilitación durante oito anos por un delito de prevaricación administrativa.

O anuncio produciuse unha semana despois de que a sección primeira da Audiencia coruñesa ratificase a condena a oito anos de inhabilitación ao ata este xoves rexedor por "irregularidades" na contratación das obras do xardín botánico. 

Puede ver este artículo en la siguitente dirección /articulo/galicia/jose-garcia-linares-presenta-sua-renuncia-como-alcalde-cerceda/20200123225331072418.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)