Lactalis recollerá máis de 500 millóns de litros de leite en Galicia este ano

O grupo francés, segundo informa, mantén relación comercial na actualidade con máis de 1.500 gandeiros galegos

Instalaciones de Lactalis. AEP
photo_camera Instalaciones de Lactalis. AEP

Lactalis Compras e Subministracións, a sociedade que se encarga do aprovisionamento para as empresas do grupo francés en España, prevé superar os cincocentos millóns de litros de leite recollido en Galicia durante este ano, logo de renovar cos gandeiros galegos os contratos que vencían entre os meses de febreiro e abril.

Segundo informa a propia empresa, o grupo mantén relación comercial na actualidade con máis de 1.500 gandeiros galegos, a título individual ou como integrantes de cooperativas que son provedoras de leite para Lactalis.

De feito, o Grupo Lactalis espera que o volume de leite recollido en Galicia supere os cincocentos millóns de litros por segundo ano consecutivo, o que viría reafirmar, engade a empresa, "a importancia estratéxica que esta comunidade" para "a compañía".

"A recollida en Galicia cobre unha parte importante das necesidades industriais do Grupo en España", engade.

Actualmente, "máis do noventa por cento do leite recollido polo grupo a gandeiros individuais en Galicia realízase a través de contratos" que teñen unha duración mínima de doce meses, de modo que a compañía "aposta por unha recollida estable".

"Esa estabilidade", sostén Lactalis, foi a que lle permitiu atraer á súa nómina de provedores a 350 novos gandeiros desde o final as cotas.

Ademais, a empresa confirmou a súa intención de seguir "apostando polo leite ecolóxico" como "unha vía" para "engadir valor" á produción e espera pechar 2018 cun volume de quince millóns de litros na Cornixa Cantábrica.

Para iso, colabora xa con 57 gandeiros que reconverteron a súa produción a ecolóxica e está a traballar xa con outras explotacións para chegar aos vinte millóns de litros en 2020.

Comentarios