Imprimir

Un libro, un concurso e a voz de Sabela para render homenaxe a Fraguas

AXENCIAS | 15 de mayo de 2019

Sabela cantou na presentación do libro sobre Antonio Fraguas. CABALAR (EFE)
Sabela cantou na presentación do libro sobre Antonio Fraguas. CABALAR (EFE)

Un volume percorre os fitos representativos da vida do autor ao que se dedica o Día das Letras Galegas

A celebración das Letras Galegas, e do homenaxeado neste ano, suma actos e voces ás portas do día grande. Este mércores a Real Academia Galega (RAG) acolleu a presentación do libro Antonio Fraguas Fraguas. Estancias vitais dun mestre sabio, de María Xosé Fernández. Trátase dun percorrido cronolóxico polos fitos representativos da vida do autor. 

No acto, a cantante das Pontes Sabela interpretou temas baseados no traballo de recompilación de cantigas populares que fixo Fraguas.

O libro presentado recrea as estancias de Fraguas polas diferentes localidades galegas nas que residiu, desde Cotobade ata Santiago de Compostela, pasando por Pontevedra, A Estrada ou Lugo, segundo indicou María Xosé Fernández. O texto, escrito de "forma dinámica" e de maneira cronolóxica, busca explicar a evolución intelectual do autor que, segundo o presidente da RAG, Víctor Freixanes, "reivindicou as raíces dunha cultura" a través do seu compromiso con Galicia e co galego. 

Este mércores tamén tivo lugar a tradicional celebración das Letras Galegas pola Escola Galega de Administración Pública (Egap), un acto no que o vicepresidente da Xunta, Alfonso Rueda, destacou o traballo do intelectual en defensa da cultura e da lingua galega. 

O evento contou coa actuación de Sonsoles Penadique e a función de contacontos de Verónica Rilo, ademais da xa tradicional entrega dos premios do concurso de literatura infantil e xuvenil da Egap.

Puede ver este artículo en la siguitente dirección /articulo/cultura/libro-concurso-voz-sabela-render-homenaxe-fraguas/20190515215306058442.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)