Imprimir

O Madrid cede e subirá o soldo de Cristiano ata os 30 millóns

Galiciaé | 03 de febrero de 2018

Cristiano celebra un dos dous goles de penalti anotados ante a Valencia. EFE
Cristiano celebra un dos dous goles de penalti anotados ante a Valencia. EFE

O portugués achegarase a Neymar en canto a salario

A tira e afrouxa entre Cristiano Ronaldo e o Real Madrid acabará cunha substancial mellora de contrato para o portugués. Así será segundo a información desvelada por ABC, na que aclaran que a renovación do portugués materializarase o próximo verán.

Cristiano sempre manifestou que o seu desexo é o de quedar no conxunto branco, aínda que entende que os novos contratos de Neymar no PSG –33 millóns– e de Messi no FC Barcelona –40– deixaran desfasados os preto de 25 millóns que percibe actualmente no Madrid.

Segundo ABC serán finalmente 30 os millóns que recibirá o luso por tempada, o que asemella a súa situación contractual coa de Neymar, aínda que seguirá lonxe da do astro arxentino do Barça.

O portugués ten actualmente contrato ata o 2021 e descoñécese se con esta renovación manterase a duración ou se podería aumentar nalgún ano.

Puede ver este artículo en la siguitente dirección /articulo/deporte-general/madrid-cede-subira-soldo-cristiano-ata-30-millons/20180203132242024348.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)