Un accidente ferroviario rexistrado este venres na localidade portuguesa de Soure, no distrito de Coimbra, deixou polo menos dous mortos e 25 feridos, seis deles graves.
Atendendo á información da RTP, un convoi que cubría o traxecto entre Lisboa e Oporto descarrilou sobre as tres e media da tarde hora portuguesa —catro e media en Galicia—, tras chocar contra un vehículo de reparación de catenarias que estaba traballando na liña.
Fontes da Autoridade Nacional de Emerxencias e Protección Civil informaron a Efe de que o número de víctimas non é definitivo.
O tren sinistrado é un Alfa Pendular, que pode alcanzar os 220 quilómetros por hora, e cubría o traxecto Lisboa-Oporto con 240 pasaxeiros a bordo.
O accidente levou a habilitar un hospital de campaña no pavillón municipal.
► Haberá ampliación
