Imprimir

Nadal e Bautista fan historia alcanzando as semifinais de Wimbledon

AGENCIAS | 10 de julio de 2019

Nadal y Bautista, en semifinales de Wimbledon. FACUNDO ARRIZABALAGA (EFE)
Nadal y Bautista, en semifinales de Wimbledon. FACUNDO ARRIZABALAGA (EFE)

Por primeira vez na historia deste torneo, dous españoles xogarán a penúltima rolda

Rafael Nadal venceu este mércores ao estadounidense Sam Querrey por 7-5, 6-2 e 6-2, alcanzando a súa sétima semifinal en Wimbledon. Antes Roberto Bautista derrotara ao arxentino Guido Pella (7-5, 6-4, 3-6 e 6-3), polo que o tenis español bate unha nova marca. Por primeira vez nos 132 anos de historia do torneo londinense, dous españois cóanse entre os catro mellores.

Bautista converteuse no sexto español que participa nas semifinais do torneo máis importante sobre herba, xunto con Manuel Alonso (1921), Manuel Santana (1963 e 1966), Andrés Gimeno (1970), Manuel Orantes (1972) e Nadal (2006 a 2008; 2010 a 2011, e 2018-19). O tenista castellonenco enfrontarase en semifinais ao serbio Novak Djokovic, defensor do título, que venceu antes ao belga David Goffin (6-4, 6-0 e 6-2).

Nadal medirase a Federer en semifinais; Bautista, a Djokovic

Por outra banda, Nadal medirase novamente contra Roger Federer na carreira cara ao título. O suízo derrotou a Kei Nishikori por 4-6, 6-1, 6-4 e 6-4. Esta é a duodécima semifinal dun Grand Slam na que coincide o chamado 'Big 3' (Nadal, Federer e Djokovic). A máis recente, na edición de Roland Garros deste ano.

Puede ver este artículo en la siguitente dirección /articulo/deporte-general/nadal-bautista-historia-wimbledon/20190710204715061702.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)