Imprimir

Naturgy facilita aos seus clientes asistencia médica gratuíta por videochamada

Europa Press | 24 de marzo de 2020

Xestións nun ordenador. ARQUIVO
Xestións nun ordenador. ARQUIVO
A enerxética pon o servizo a disposición dos seus case sete millóns de clientes, máis dun millón en Galicia

Naturgy facilitará aos seus clientes atención médica gratuíta mediante videollamada durante estes meses, co obxectivo de que os cidadáns poidan facer consultas de saúde sen necesidade de saír de casa, segundo informou a compañía enerxética.

En concreto, este servizo estará a disposición de todos os clientes da empresa, que ascenden a preto de sete millóns de fogares, dos que máis dun millón están en Galicia.

Para acceder, os usuarios deberán rexistrarse na súa área privada na web da empresa. No caso de clientes non rexistrados, serán informados das instrucións de rexistro previo para o seu acceso ao servizo. As consultas poderán realizarse todos os días da semana, as 24 horas do día, mediante chamada telefónica, páxina web ou aplicación online.

É posible realizar as consultas todos os días da semana, as 24 horas do día

Ademais, este servizo inclúe información médica de primeiras actuacións en casos de urxencia, medicación e posoloxía para pediatría e medicina xeral. En caso de urxencia, avisarase ao servizo 112 para envío de ambulancia no territorio nacional.

O director xeral de Gas & Power de Naturgy, Manuel Fernández, destacou que neste momento de urxencia sanitaria "a asistencia médica convértese, se cabe, nun valor máis fundamental". 

OUTRAS INICIATIVAS. Esta medida súmase á subministración de electricidade e gas de xeito gratuíto aos hoteis e residencias que cedan as súas instalacións á sanidade pública.

A compañía presidida por Francisco Reynés tamén aprazou o pago de facturas a pemes e autónomos e protexe os colectivos vulnerables.

Así mesmo, o grupo segue tendo activado o seu servizo de atención de urxencias domiciliarias para reparar caldeiras ou frigoríficos, entre outros aparellos, acudindo en menos de tres horas.

Puede ver este artículo en la siguitente dirección /articulo/galicia/naturgy-facilita-aos-seus-clientes-asistencia-medica-gratuita-videochamada/20200324145136075526.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)