O empresario Juan Carlos Quer, pai de Diana, a nova asasinada o 22 de agosto de 2016, confiou este xoves en que a sesión da vista oral que se celebra na sección sexta da Audiencia Provincial da Coruña sirva para demostrar que a súa primoxénita foi vítima de violación.
Á súa chegada aos xulgados, dixo á prensa congregada que ela "cravou a súa mirada limpa sobre a sucia" do home que senta no banco, José Enrique Abuín Gey alias o Chicle, e deixou "as pernas arqueadas".
Este feito, ao seu xuízo, "evidencia o único móbil polo que este individuo a secuestrou" e levou á vetusta nave de Asados, onde a meteu nun pozo.
Varios forenses testificarán durante esta xornada no xuízo onde se coñecerá o resultado da autopsia, así como os informes complementarios.
O avogado dos Quer, Ricardo Pérez Lama, anticipou que "aínda queda moito que dicir".
VÍDEO: PEPE FERRÍN