O presidente do Goberno en funcións, Pedro Sánchez, participará este martes 14 de maio en dous actos electorais en Galicia: un durante o mediodía na cidade da Coruña e outro xa entrada a tarde en Vigo.
é o que confirmaron a Efe fontes socialistas, que indicaron que este martes o xefe do Executivo central intervirá nun comida mitin nun céntrico hotel da cidade herculina xunto ao secretario xeral do PSdeG, Gonzalo Caballero, e a outros cargos destacados do partido en Galicia, ademais da candidata á alcaldía neste concello, Inés Rei.
Xa pola tarde, ás 19.00 horas, Sánchez será o protagonista do mitin que albergará o pavillón polideportivo de Navia, en Vigo, que cambia de localización respecto ao celebrado hai apenas unhas semanas con motivo das eleccións xerais e para o que o auditorio Mar de Vigo quedou pequeno, de modo que centos de persoas tiveron que seguilo desde o exterior.
Desde a dirección do partido en Galicia non descartan a posibilidade de que o presidente do Goberno tome parte nalgún acto electoral máis durante a súa visita do día de mañá, especialmente nas horas comprendidas entre os mitins da Coruña e Vigo..
