Polo menos unha persoa resultou ferida nun aparatoso accidente que se produciu este xoves pola mañá no municipio lucense de Cospeito, como consecuencia da colisión entre un camión e un coche. Segundo a primeira información que recibiu o Centro Integrado de Atención a Urxencias de Galicia (CIAE) desde o lugar do accidente, o sinistro produciuse na estrada que vai de Vilalba a Muimenta, na LU-120, ás 09.12.
Para auxiliar ás vítimas, o 112 mobilizou ao 061, á Garda Civil de Tráfico, os Bombeiros de Vilalba e o persoal de mantemento da estrada.