Deporte General

O precioso xesto do porteiro do Peñarol cun afeccionado rival con síndrome de Down

Kevin Dawson, porteiro do Peñarol uruguaio, cumpriu o soño dun seareiro do Praza Colonia tras o partido que enfrontou a ambos os conxuntos.

Lucas, que así se chama o afeccionado, quería poder tirarlle un penalti e Dawson non dubidou en poñerse baixo paus para iso. Ao xesto contribuíron o árbitro, que deu verosimilitude á acción actuando coma se o golpeo fose oficial, e as persoas que abarrotaban as bancadas, que clebraron o gol como merecía a ocasión.

Porque si, o disparo coa zurda de Lucas acabou nas redes da portería, e a súa celebración xa emocionou a millóns de persoas en todo o mundo.

Comentarios