Jácome, polémico tamén como pregoeiro: "En español, que se entende mellor"

O sempre polémico alcalde de Ourense, Gonzalo Pérez Jácome, non defraudou como pregoeiro das festas do barrio de San Francisco e comezou a súa intervención cunha controvertida aclaración: "Imos falar en español, que se entende mellor que o galego". Pronunciouse así tras saudar ás persoas portuguesas presentes e antes de agregar: "Isto é para os do Bloque, por se me están escoitando". O rexedor utilizou o seu discurso para anunciar un sistema de escaleiras mecánicas "desde a rúa Progreso ata o Auditorio".