Imprimir

PSOE e Podemos ultiman un acordo para a Mesa con presidencia socialista

EFE | 13 de mayo de 2019

Vista general del Congreso de los Diputados. EFE
Vista general del Congreso de los Diputados. EFE

O Partido Socialista tería tres postos e PP, Cs e Podemos dous

O PSOE e Podemos ultiman un acordo para constituír o martes 21 a Mesa do Congreso dos Deputados na que o PSOE tería tres postos, entre eles a Presidencia, e o PP, Cs e Podemos contarían con dous cada un, segundo informaron a EFE fontes parlamentarias coñecedoras da negociación.

O acordo entre PSOE e Podemos, que deixaría fóra ás formacións independentistas e nacionalistas, está practicamente pechado e farase público previsiblemente a finais desta semana, indicaron a Efe esas fontes.

A tenor das conversacións mantidas ata o momento entre os grupos, PP e Cs terían dous postos cada un nesa Mesa da que en principio quedaría excluído Vox.

A Mesa componse de nove postos: Presidencia, catro vicepresidencias e catro secretarías. O presidente do Congreso, que segundo o acordo sería do PSOE, é a terceira autoridade do Estado.

O presidente do Goberno en funcións, Pedro Sánchez, e o líder de Podemos, Pablo Iglesias, coincidiron o martes pasado na necesidade de conformar unha Mesa que teña "maioría de progreso" para garantir que saia adiante a axenda lexislativa da esquerda.

Puede ver este artículo en la siguitente dirección /articulo/Cronica/psoe-podemos-ultiman-acordo-mesa-presidencia-socialista/20190513213138058303.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)