Rastrexan aos pasaxeiros do bus onde viaxaba o home que foi ingresado na Uci en Vigo

O ingresado viaxou de Madrid á cidade olívica logo de pasar 15 días na capital española
Hospital Álvaro Cunqueiro, en Vigo. ARCHIVO
photo_camera Hospital Álvaro Cunqueiro, en Vigo. ARCHIVO

O hospital Álvaro Cunqueiro de Vigo converteuse este xoves no primeiro de Galicia en ingresar a un paciente con Covid-19 en Uci no último mes.

Fontes da xerencia sanitaria viguesa confirmaron que o paciente, un home de 44 anos que presentaba síntomas de pneumoníaviaxou en autobús desde Madrid, onde pasara os últimos 15 días, e, "nada máis chegar a Vigo, acudiu directamente ao servizo de Urxencias do hospital", onde lle fixeron a proba, que resultou positiva.

Como consecuencia, as autoridades sanitarias activaron o protocolo de rastrexo, contactando coa empresa de autobuses na que chegou o home, que xa facilitou as identidades de todas as persoas que viaxaron con el.

Unha vez completado o rastrexo e contáctese cos pasaxeiros do bus, o Sergas decidirá sobre o posible confinamento de todas as persoas que realizaron a viaxe desde Madrid ou só o daquelas que sentaron cerca do ingresado.

Comentarios