Un ciclista duns 30 anos de idade tivo que ser rescatado polos bombeiros de Madrid despois de que quedase atrapado no pantano de Santillana.
O home tentou atravesar o encoro, que aparentaba estar seco, pero acabou encallado no barro ao romper a superficie. Nese momento tratou de saír polo seu propio pé da trampa na que se meteu ata a cintura pero foille imposible.
Finalmente, os bombeiros acudiron no seu rescate: un deles logrou colocarlle un arnés mentres se apoiaba na súa bicicleta –que se salvou do afundimento–, e así lograron subilo co helicóptero.