Imprimir

O Revenidas apraza a súa 17ª edición a 2021 e este ano fará un formato "moi reducido" 

Efe | 23 de junio de 2020

Concerto nunha edición anterior do Revenidas. EP
Concerto nunha edición anterior do Revenidas. EP
As persoas que compraron a súa entrada poden gardala para asistir ao evento o próximo ano

O festival Revenidas, que se celebra en Vilaxoán de Arousa, apraza a súa edición 17ª edición aos días 10, 11 e 12 de setembro de 2021. 

Estaba previsto que o festival tivese lugar na segunda fin de semana de setembro, pero a organización comunicou este martes que se viron obrigados a tomar esta decisión "ante a complexidade para levar a cabo un evento destas características" polo impacto do coronavirus. 

Con todo, explica que prepara para este mes de setembro un formato "moi reducido" do evento, que contará con concertos e distintas actividades gastronómicas e interdisciplinares "ligadas ao territorio, á tradición e á cultura mariñeira da zona". 

As persoas que compraron a súa entrada poden gardala para asistir á edición de 2021. En caso de querer recuperar o diñeiro, terán todo o mes de xullo para facelo. A plataforma de venda contactará cos compradores para facilitarlles máis información. 

Puede ver este artículo en la siguitente dirección /articulo/cultura/revenidas-apraza-sua-17a-edicion-2021-ano-fara-formato-moi-reducido/20200623202937080298.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)