A coroación do rei de Tailandia: tres días e 31 millóns de dólares

O rei Vajiralongkorn foi coroado en Bangkok nun elaborado ritual con elementos budistas e hindús e as celebracións continuarán o domingo cunha procesión multitudinaria e unha audiencia pública no Gran Palacio Real ao día seguinte. A Oficina do Orzamento do Goberno cifrou en 1.000 millóns de bat (uns 31 millóns de dólares ou 27,9 millóns de euros) o gasto dos rituais e os fastos da coroación do soberano, que reina co título de Rama X da dinastía dos Chakri.