Sánchez comprométese a non subir impostos "á clase media e traballadora"

O líder socialista afirma que necesitará de acordos de Estado co Partido Popular e Ciudadanos se chega a gobernar
Pedro Sánchez. JOSÉ MANUEL PEDROSA
photo_camera Pedro Sánchez. JOSÉ MANUEL PEDROSA

O presidente do Goberno en funcións, Pedro Sánchez, comprometeuse a non subir os impostos " clase media e traballadora", conseguir que a Seguridade Social salga do déficit en cinco anos e dar resposta a algúns "buracos no imposto de sociedades que benefician ás grandes corporacións".

Nunha entrevista publicada no diario El Español, Sánchez expón que o Executivo "nin vai crear falsos alarmismos nin vai navegar nunha falsa autocompracencia que logo sexa negativa" en torno ao estado da economía e avanza que a próxima semana España exporá a próxima semana o seu novo marco orzamentario á UE.

Tras situarse no catro nun baremo que vai do cero da extrema esquerda ao dez a extrema dereita, o tamén secretario xeral do PSOE cre que pode "representar" aos votantes "moderados" que ao seu xuízo "deixou orfos" o presidente de Ciudadanos, Albert Rivera.

E afirma que necesitará de acordos de Estado co Partido Popular e Ciudadanos se chega a gobernar durante varios mandatos.

Ao redor da sentenza do 'procés' que dará a coñecer a próxima semana o Tribunal Supremo, Sánchez recalca que as institucións non poden "desobedecer civilmente" e a súa obrigación é "amparar e defender a legalidade democrática".

E se a Generalitat comete "irresponsabilidades", advirte Sánchez, o Executivo en funcións verase obrigado "a tomar medidas extraordinarias" con firmeza "democrática", "proporcionalidade" e "unidade"

Comentarios