O luns non se esperan cambios meteorolóxicos significativos xa que Galicia segue na influencia das borrascas con aire frío en altura, de forma que os ceos estarán parcialmente cubertos con chuvascos probables en calquera punto da comunidade autónoma.
A cota de neve comezará nos 1.300 metros e irá en progresivo descenso ata quedar nos 1.000-1.100 metros na madrugada.
As temperaturas ascenderán, especialmente as mínimas, e o vento soprará forte de compoñente oeste.
Temperaturas mínimas e máximas previstas nas cidades: A Coruña 12º/14º, Ferrol 11º/14º; Lugo 7º/9º; Ourense 8º/13º; Pontevedra 10º/13º; Santiago 8º/11º; Vigo 10°/14°
