Imprimir

O Sergas estreará en decembro unha aplicación de videoconsulta

Efe | 24 de noviembre de 2020

Pleno del parlamento
Xullo García Comesaña. PEPE FERRÍN (AGN)
O conselleiro Comesaña anunciou a próxima aprobación dun decreto para establecer a categoría de médico de hospitalización a domicilio

O conselleiro de Sanidade, Julio García Comesaña, anunciou que en decembro se porá en marcha unha nova aplicación para a videoconsulta de pacientes, que tamén permitirá xestionar cita e integrar o cartón sanitario. 

Na súa comparecencia no Parlamento, a petición propia, para informar da evolución da urxencia sanitaria pola covid-19, asegurou que os datos "avalan" a estratexia que adoptou a Xunta, co confinamento perimetral de 68 concellos e o peche da hostalería. 

Ao seu xuízo, este "modelo Carballiño" supón "un mes de esforzo", tal e como sucedeu neste municipio ourensán que non saíu ata a semana pasada das restricións máis duras, pero "o resultado valeu a pena", concluíu, polo que avogou por seguir con estas medidas "equilibradas e cirúrxicas".

Comesaña tamén anunciou a próxima aprobación dun decreto para establecer a categoría de médico de hospitalización a domicilio, así como unha mellora do sistema de atención telefónica nos centros de saúde ante a pandemia do coronavirus.

Puede ver este artículo en la siguitente dirección /articulo/galicia/sergas-estreara-decembro-aplicacion-videoconsulta/20201124163243088011.html


© 2021 Galiciae

Fernando de Casa Novoa, 37 B 2ºC Santiago de Compostela

Tlfno: 981 55 25 30

(Grupo El Progreso)