Imprimir

Solari sitúa a Monforte, a terra da súa avoa, en Vigo

Galiciaé | 05 de diciembre de 2018

El entrenador del Real Madrid, Santiago Solari. EFE
El entrenador del Real Madrid, Santiago Solari. EFE

O adestrador do Real Madrid tivo un lapsus xeográfico ao explicar as súas orixes galegas

"Ante todo son arxentino e son español, teño as dúas nacionalidades. A miña avoa era de Vigo, de Monforte de Lemos, teño raíces galegas". Entre a cidade olívica e a do Cabe median 139 quilómetros de estrada e incluso unha provincia, a de Ourense, aínda que Santiago Solari non parece telo moi claro.

Polo menos esa impresión deu cando este mércores se fixo unha pequena lea coa xeografía galega ao responder a unha pregunta sobre como sentía ante a final da Copa Libertadores que se disputará en Madrid. O rosarino non dubidou en declararse "arxentino e español". E quixo situar tamén as súas raíces en Galicia, de onde era a súa avoa. Aínda que polo que parece non visitou demasiado a terra dos seus antergos. Ou, se o fixo, non lle quedou moi claro que Monforte pertence a Lugo e que Vigo está a máis de hora e media de viaxe e noutra provincia.

No vídeo, pódese ver o lapsus xeográfico de Solari a partir do minuto 11.

Puede ver este artículo en la siguitente dirección /articulo/deporte-general/solari-situa-monforte-terra-da-sua-avoa-vigo/20181205215836047950.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)