Suspenden a rodaxe da nova película de Batman tras o positivo de Robert Pattinson

A gravación xa tivo que ser paralizada o pasado mes de marzo por mor da pandemia 
Robert Pattinson. EFE
photo_camera Robert Pattinson. EFE

A rodaxe de The Batman, a nova adaptación cinematográfica do lendario personaxe de DC, foi paralizada tras confirmarse un positivo por Covid-19 entre o persoal que traballa na produción. Segundo 'Vanity Fair', a persoa afectada é o seu protagonista, o actor Robert Pattinson. 

Desde Warner Bros confirmaron nun comunicado a paralización temporal da rodaxe da película que dirixe Matt Reeves ante un positivo por Covid-19 dun membro da produción, que se atopa illado segundo os protocolos establecidos. 

A rodaxe da película, que ten previsto estrearse en xuño do próximo ano, xa tivo que ser paralizada o pasado mes de marzo por mor da pandemia polo novo coronavirus. 

Comentarios